08-27-2010, 07:21 AM
|
#1 | |||||||||||||
|
(' نشيط ' )
 
|
من المسؤل عن فوضى مستشفى البريمي ؟؟؟
من المسؤل عن فوضى مستشفى البريمي ؟؟؟
هذا ... السؤال خطر فبالي وأنا فالمستشفى يوم الثلاثاء .. سمعت وايد ناس يتكلمون عن الفوضى أللي صايره فهالمستشفى ووايد ناس يتشكون عن الأهمال الملحوظ ما كنت أصدق وكل ما أسمع حد يتكلم عن مستشفى البريمي واللي صاير فيها أقول مجرد كلام حريم وحش فالناس وبس لا أكثر ولا أقل لكن أللي شفته بعيني يوم الثلاثاء خلاني أصدق أن كلامهم صج ومو مجرد كلام وثرثرة حريم طبعا كلكم تبون تعرفون شو أللي شفته، بخبركم لكن أبيكم تعرفوا أني مو كاتبه هالموضوع عسب أزيد من مشاركاتي ولا عسب ألقى ردود تثني علي أنا كتبت هالموضوع عسب نلقى حل حق هالمهزله والفوضى أللي صايره ( سوري على هالألفاض لكن هذا أللي صاير ) .... ************************** يوم الثلاثاء رحت المستشفى الساعه8 الصبح عسب أسوي فحص دم لأني مصابه بفقر الدم ( بعيد عنكم ) المهم وأنا متعوده أروح المستشفى كل 3شهور عسب أسوي هالفحص لكن أللي شفته هل المره غير عن كل مره المهم طبعا لابد من الأنتظار قبل ماندش حق الدكتوره المسؤله عن الحاله وطبعا وأنا فمكان الأنتظار كانت أصوات الممرضات عاليه بكل معنى الكلمه أصوات الممرضات والدكتوره ما كانت لمعاينة المرضى لا . كانوا يتكلمواعن فلانه سوت وفلانه حطت والله ما أبالغ فكلامي وضحكاتهم بروحها سالفه بين كل حين وحين تعلى أكثر وأكثر والله حتى حسيت بالفشله كوني بنت وهذول أللي طالعات أصواتهن بنات شراتي وياليت أن المكان خالي من الجنس الآخر يعني من الرجال لا، والله ان كان المكان فيه شباب ودكاتره شباب المهم وبعد هذا كله يه دور أختي أنها تدخل عند الدكتوره أختي كانت تعبانه بشكل مو طبيعي حتى أنه فالليله أللي قبلها كنا يالسين فالمستشفى لساعه 3 الفجر فقسم الطوارئ المهم لما دخلت على الدكتوره بدت أختي تقولها شو تحس من أوجاع وطبعا الدكتوره ولا كأن حد يالس قبالها ويتكلم ولا عاطيتنها أعتبار ولما أتكلمت قالتلها عطيني أيدج عسب أخذ دم منج حق الفحص خذت دم منها وقالتلها روحي خذي الدواء من الصيدليه ، أنزين والكلام أللي قالته أختي والآلام أللي حاسه فيهم والله ولا كشفت عليها ولا شي حتى أن الوالده قالت حق الدكتوره أنها تبا تسوي إشاعه حق أختي لأنها مو أول مره تتشكى من نفس الالم ردت الدكتوره على الوالده بلغه ملؤها الا مبالاه وقالتلها شو على كيفكم لما تبون تسووو إشاعه نسويلكم؟ ( على ما اظن أن فيه أسلوب أرقى من هذا الأسلوب كان ممكن تتكلم به ) ************************** المهم طلعت أختي من عند الدكتوره ويه دوري عسب أدش وياها وليتني ما دشيت أول ما دشيت نشت الدكتوره من كرسيها وقالتلي يلسي يلست وقلت يمكن عندها شي ضروري ولا بتروح دورة المياه (وانتوا بكرامه ) وبترجع طلعت وانا انتظر ورجعتلي بعد ربع ساعه ورجعت ولا كأنها أنا أتكلم وهيه ما عليها مني يالسه أدق دق فالكيبورد وعادت نفس الجمله أللي قالتها لأختي عطيني إيدج خذت الدم وقالتلي يالله روحي شو يالله روحي وين العلاج؟ وين الفحص؟ وين تشخيص الحاله شو نحن نلعب خذينا دم ويالله طلعوا الأسلوب كان أبدا ما يلق بها كونها دكتوره أوكي نعرف أنها صايمه وكل الناس صايمين مو إلا هيه وبعدين إذا هم هب كفو أنهم يتواجدو فهالمكان ياخي محد قالكم أشتغلوا هالشغله ياناس ترى أنتوا محاسبين على هالأهمال إللي صاير وغير جيه رحنا عند الصيدليه وما أدراك مالصيدليه والله العظيم زحمه مش طبيعيه عالصيدليه والأدويه وليت هالزحمه عشي يرزا لا والله أونه يعطونه بعض الأدويه وباقي الأدويه هب متوفره عندهم فعندكم خيارين يأما تروحوا تشتروهن من صيدليه ثانيه والخيار الثاني انكم تنتظروا أسبوع أوكي إذا المرضى بينتظروا أسبوع عيل هم ليش يايين يتعالجوا والناس أللي ما عندهم فلوس عسب يشتروا الدوا من صيدليه ثانيه شو يسوو؟ يقعدوا بمرضهم لين يتوفر العلاح ولا الدوا ؟ ************************** هذي شكوا بسيطه عن مستشفى البريمي واللي صاير فيها ناهيكم عن الحمامات ( وأنتو بكرامه ) ونظافتهم يعني المكان أسمه مستشفى يعني نظافه وتعقيم وروائح طيبه مو أللي يالسين نشوفه نحن وغيره وغيره والله في وايد شكاوي عند الناس على المستشفى لكن هب لاقين من يسمعهم ... ترى والله حرام أللي يالس يصير فهالمستشفى حرام ... بعد كل هذا عندي سؤال وأتمنى حد يجاوب عليه وين المسؤلين عن اللي يالس يصير فهالمستشفى ؟ أتمنى ما أكون غلطت على حد والسموحه لكن هذي معاناه يالس يعيشها معظم المرضى فهالمستشفى وكل يوم ومالاقين حد يسمعهم أو يبررلهم الوضع أللي صاير.. والسموحه مره ثانيه .. أنتظر ردودكم .. lk hglscg uk t,qn lsjatn hgfvdld ???
|
|||||||||||||
|
التعديل الأخير تم بواسطة بشاير ; 08-27-2010 الساعة 07:24 AM |
||||||||||||||
|
|
08-27-2010, 07:42 AM
|
#2 | |||||||||||||
|
^[ فديت اللي في بالي؟! ]^
|
 والله اختي انا ما عرف ها المستشفى ولا مرة رحتله بس ع الكلام اللي قلتيه اكيد الاهمال من الاداره والمسؤولين يعني معقولة ما يطالعو اللي قاعد يصير والله يعينكم وثاانكس ع الموضوع 
|
|||||||||||||
|
|
|
08-27-2010, 08:06 AM
|
#3 | ||||||||||||||||||||||||||||||||||
|
(' نشيط ' )
|
يسلموا الشيخه لكن والله هذا أللي صاير والله يعين |
||||||||||||||||||||||||||||||||||
|
|
|
08-27-2010, 02:21 PM
|
#4 | |||||||||
|
~* مستشار المنتدى *~
شــــاعر  
|
غسلي يدينج بما وصابون وعقب فركيهن بلومي
من مستشفى البريمي... المستشفى مستحيل يترقع له وصل مادام تحت الإدارة الحالية أنا ما بحدد أسماء معينة من الإدارة لكن مادام الروس منهم أيداوم الساعة 11 الظهر من وين بنشوف الخير ومادام البعض يداوم الظهر ومب داري عن شي فالمستشفى وترا هالرمسة مب تبلي عليهم هالشي واقع... وبدون ذكر أسماء: يوم الفطر سيروا قبل الظهر قهوة المبسم وبتعرفون دوام مسؤلين مستشفى البريمي لا وبعد بسيارة الدوام عشان يثبتلكم انه داخل القهوة>>>>> واثق بو الشباب الشي الثاني المسؤول عن الأطباء والممرضين أتبدل ...ليش؟؟ لأنه واحد عفريت والله مثل الساعة ف أقسام المستشفى يتابع كل صغيرة وكبيرة وشو إللي يصير فالمستشفى ومن صباح الله خير هو عند باب المستشفى وأي موظف متأخر عن الدوام ..يرجع ماله دخول للمستشفى ويسجل غياب ومن شافوا المسؤل الأجنبي شغال صح قالوا لا الشيخ مب هنيه مكانك... العيادة الجلدية فيها دكتورة وحدة!!!!!!!!!!!! تخيلوا هالعالم كلهم تعالجهم دكتورة وحدة بس...على منو تقصون ياعرب الله شو هالمهزلة؟؟؟ طبعا إذا عندج واسطة أمورج طيبة الكل بيعتني فيج ويهتم ولو ماعندج على الدنيا السلام... وتبين نصيحتي سيري شركة تأمين سنعة وأفتحيلج بطاقة ومب من غليها وتعالجي فأي عيادة تبيها داخل البريمي ولاغيرها ولا حتى فالعين ويغنيج الله عن مستشفى البريمي وإللي فيه أنا روحي ما أتعالج فيه هالمستشفى خير شر وبعض المرات أضطر حق شغلات خاصة أخلصها فيه مب موجودة ف العيادات الخارجية لكن لاااااازم أخلي ربيعي فالمستشفى هو يوديني الأقسام عشان يهتمون فيني واخلص بسرعة وغير جيه والله محد بينشد عن حد ولا ارمس طوووووووول هو يرمسهم ويتفاهم وياهم لأن الضمير ميت محد يخاف ربه ف وظيفته... يحااااااااااااااااااااااااااافظ عليــــــــــــــــــــــــــــكم أ |
|||||||||
|
|
|
08-27-2010, 02:30 PM
|
#5 | ||||||||||
|
[®ˆ§ ملكي §ˆ®]
 
|
ههههههههههههههههههههههه
يوم تطرون مستشفى لبريمي احس عمري استووي خببببل انا اقوولج غسلي ايدج ابترووول احسلج لنــه بعد كم يييوم بيتغير اسم مستشفى لبريمي وبيكـــون الاسم ليديد..(مستشفى بنــدو) مستشفى لبريمي ما منــه فــااايــد كل واحد يسووي الا يبااه يعني صااار زررريبــه >>الله يعزكم بس والله تعبناااا منه الحسن انه نعاالج بفلوسناا ولا مستشفى لبريمي ودكااتره الا فيه يتعلموون فينى بس نصيحه ايذا واحد مريضه لا يدخله لنه لو فيييه حمى بيقولون فيك ادوده ازاايده ما يفاااهموون جنه مااشي غير ادوده ازااايده مووتهم وحيااتهم يسوون عمليه ليش..!! بس عشاان يعطوونهم فلووس اكثثثر المصيبه انا علاجهم تعباان ولا يزيدك أكثر انه بفلوووس والله حــــااااله ما بطوول علييييكم اهم شي لا تسيروونه وبتكوونون بخييير |
||||||||||
|
|||||||||||
|
|
|
08-27-2010, 03:09 PM
|
#6 | |||||||||
|
(.•ˆعضو جديدˆ•.)
|
أكيد التقصير من أدارة المستشفى والأهمال منهم وبعدين مستشفى البريمي يعاني من نقص اعداد الأطباء وضعف في الكوادر المتخصصه مما ينعكس سلبيا على أداء هالمستشفى وسمعته بين الناس وأيضا ً حاله المرضى الصحيه يعني الواحد ما بيسير المستشفى إلا وقت الضروره فقط . بالأول وين كان سمعت المستشفى الكل يمدحون فيه والحين وين وصل حاله ؟؟ مدري من عند منو القصور هل من الاداره الحاليه ؟؟ ام عدم مباله الأطباء والممرضين بحاله الناس الصحيه ؟؟ مدري أذا كان يعتقدون أن العمل بالمستشفى أصبح مجرد وظيفه استلم نهايه الشهر راتب وبس وما ايهمني هل كان عملي مقبولا ام لا . الحكومة قامت بتوفير العلاج بالمجان للمواطنين العمانيين مب معناته ننذل عسب ناخذ هالعلاج ولا يعطونا مواعيد لفتره طويله والمريض يضطر للانتظار لشهر أو شهرين بسبب نقص الامكانيات أو نقص عدد الأطباء بالمستشفى وبعد نهايه ها كله يقولون لنا والله الدواء مب متوفر سيروا اشتروه من الصيدليه !!!! ليش أيام زمان ما كنا نسمع كلمه الدواء مب متوفر ؟؟ هل هذا يعني أن وزارة الصحه عاجزه عن توفير الأدويه للمواطنين بسبب قله ما يتم صرفه للوزارة من قبل الحكومه ؟؟ لأن بعض الأدويه لما تسير تشتريها من الصيدليه تلقى سعرها ما يتجاوز ريالين !! يعني الوزارة معقوله مب قادره على شراء هالدواء حقنا !!
أخيرا ً مستشفى البريمي أصبح مجرد أسم بموقع في الولايه حتى يقال بأن الحكومه قامت بتوفير مستشفى بهذه الولايه ولا يهم أذا كان يؤدي عمله بأكمل وجه ام لا . اتمنى أن يشاهد هذا الموضوع أحد من المسؤلين بوزارة الصحة حتى يشددوا الرقابه على أداء العمل بهذا المستشفى والسعي لتوفير جميع احتياجاته سواء كان بتدريب الأطباء وتزويدهم بالخبرات الجديده المتعلقه بأمور الطب وما يحدث من جديد في هالعالم وتوفير الأدويه والعلاج المناسب للمواطنين . " وقل اعملوا فسيرى الله عملكم ورسوله والمؤمنون " |
|||||||||
|
التعديل الأخير تم بواسطة أخسف معلم ; 08-27-2010 الساعة 03:13 PM |
||||||||||
|
|
|
08-28-2010, 12:12 PM
|
#7 | ||||||||||||||||||||||||||||||||||
|
(' نشيط ' )
|
تسلم الشيخ والله أني غاسلتها من زمان لكن ما أعرف شو أللي خلاني أرجعلها عبط... |
||||||||||||||||||||||||||||||||||
|
|
|
08-28-2010, 12:20 PM
|
#8 | ||||||||||||||||||||||||||||||||||
|
(' نشيط ' )
|
والله حرااام أللي مسوينه يالسين يلعبو فالناس لعب ( يسلمو الشيخ نورت الصفحه ) |
||||||||||||||||||||||||||||||||||
|
|
|
08-28-2010, 12:27 PM
|
#9 | ||||||||||||||||||||||||||||||||||
|
(' نشيط ' )
|
الأهمال هب من الأداره وبس حتى من الموظفين والعاملين فالمستشفى هذول ما يراعوا ربهم فشغلهم ... يسلمو الشيخ لتعطيرك صفحتي بردك |
||||||||||||||||||||||||||||||||||
|
|
|
08-28-2010, 03:40 PM
|
#10 | |||||||||||
|
!.. استثناء ..!
|
.
. . انا لو رمست لحد باجر مايكفيني ^_^ ولو عطوني سكتون مااظن بخلي طبيب واحد صاحي وبعدها بيلس اطالع دمهم سايل بانتصار الشكوى لغير الله مذله يختي ونحن مكتوب لنا نرمس فجربة مفتوحه وطالعي الحلول لو واحد من عيالهم جان بتشوفين الفزعه كيف |
|||||||||||
  
|
||||||||||||
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ليبي هو المسؤل عن خرووج الايطاليين | المنصووري | خاص بكأس العالم 2010 | 1 | 06-26-2010 02:40 PM |
| ** ونظلُ نبحثُ فيْ فوضى العُمْر عنْ ** | ضوء | للحوار أسلوب نرتقي به سويا | 26 | 06-13-2010 02:56 PM |
| مناف يجدد للاتحاد.. ومحتسب يعتذر عن "فوضى اليوفي" | محمد البادي | صدى الملاعب العالمية | 0 | 12-30-2009 01:40 AM |
| المراعي السعودية تبحث أوضاع الأصول والعمالة في حائل بعد الإستحواذ | محمد البادي | الاخبار العالمية | 0 | 10-11-2009 05:20 PM |
| الأمم المتحدة: النرويج أفضل مكان يعيش فيه الإنسان والنيجر الأسوأ | محمد البادي | الاخبار العالمية | 0 | 10-05-2009 04:11 PM |
الساعة الآن 06:15 AM.
| العاب سما البريمي | اعلن معنا | دليل مواقع سما البريمي | مركز تحميل سما البريمي | مواضيع لم يرد عليها احد | سكربتات منتديات سما البريمي |
